[..حلال الا هو برع البلاد ..]•~

السلام عليكم ورحمة الله وبركاته ..

شحالكم ؟!

عساكم بخير وعافيه ..

اول مصافحه لي بين ايديكم ..

اتمنى تنال على اعجابكم ..

طبعا الاغلبيه العظمى في فصل الصيف يسافرون ..

الي سافرو والي بيسافرون ..

واكييد يجوفون هالمناظر ..

»۩«

مريم : والله مادري أي عباه اخذ وياي فالسفر ..

المفتوحه ولا المسكره ..

اسماء : ليش انتي تلبسين عباه وانتي مسافره ..؟!

مريم : هيه اكييد عيل كيف تبيني اسافر ..؟!

اسماء : انا البسها بس فالمطار واول ما اوصل افصخهاا ..

»۩«

اول مانوصل المطار نجوف الاغلبيه من بناتنا لابساات

العبايه لكن اول مانوصل الطياره يبدلون ويخلون العباه

جدامهم او يخشونها وفي بعضهم يوم يوصلون للبلاد

الثانيه ..

يعني جدام امريكا و بريطانيا والمانيا واستراليا ..

نحن مانلبس عباه هم مايو يجوفون ونحن لابسين فبلادنا.

جافونا ونحن لابسين فبلاادهم ..

[{ 1}]

ليش يعني يوم نكون فالبلاد نلبسها وبرع مانلبسها ؟!

هل هي حلال مانلبسها برع البلاد وحرام لازم نلبسها داخل البلاد ؟!

[{ 2 }]

ماظن انه البنت تسافر من دون اهلها ..

يعني الاهل عادي عندهم انه بناتهم مايلبسون عباه ؟!..

مايغارون ع بناتهم ..؟!

طبعا شو بتلبس البنت يعني بتلبس مخور مثلاا ..

هي العباه فصختها كيف بيكون الي داخل ؟!

وهل اهلها يرضون بانها تلبس جينز وتتمشى ؟!..

والبعض يقولون انه عادي برع البلاد ..

هل برع او داخل يفرق ؟!.

يعني البنت فبلادتها تكون حشيمه وبرع تكون _ _ _ _ _ ..!!!

[{ 3 }]

تتوقعون انه البنت تعطي صورة زينه لبلدها ولدينها برع البلاد..؟!

كل انسان فهالدنيا يمثل بلده ..

ودام الغرب يجوفون جيه ..

كيف تبونا ننصحهم ونقولهم عن دينا ..

ونحن نعطي اكبر مثال لدينا فبلادهم ؟؟!

[{4}]

هل ترضون انه بناتكم وخواتكم يطلعون بدون عباه برع البلاد ؟!..

وشو السبب الي يخليكم تخلونهم برع بدون عباه وداخل البلاد

بعباه ..

اصلا شو السبب الي يخليكم تخلونهم يلبسون عباه ؟!..

»۩«

والسموحه جان طولت عليكم ..

مانبا ردود سطحيه هذا موضوع نقاشي ..

اتمنى اجوف ارئكم حول الموضوع ..

ان شاء الله نجتمع في مجلس ثاني ..

فحفظ الله ..

منقووووووول

ياهلا ويااااامرحبا

تسلميين غلااااي ع الطرح الغااااااوي

الصراااحة هالشغلة أنا وااايد لاحظيتها عند البنااات وماعرف شو المعنى الحقيقي لهالشغله

والمفروووظ من البنت من تطلع من البييت أو أي مكاان لازم تكوون متسترة وحاشمه نفسها

وبعدين شو الفرق بين الرياييل اللي هني واللي برع البلاااد؟؟ترا كلهم رياااييل ومافي فرق بينهم

لاوالأخس شي يووم تقوليلهن ليييش فصختن العبي شوو يردن بكل وقاااحة والله أنا لابسة شي طوييل

أوك لبستي شي طوييل أفرظي طحتي وأنطر البنطلوون مثلا أو القميص شو بتسويين حزتها؟؟؟

والمشكله مش من البنت بس لاتنسوون أن الأهل لهم دوور كبير فهالشغلة,,

يلااا ماعلييـــه مانقوول غير الله يهدييهم أن شالله,,وأتمنى أن محد يزعل من كلاامـــي

السموووحة منكــــم

أخووكم:mr.ferrari

امممممممممممممم مش راضيه على اللي يحصل والحمدلله اسافر بعبايتي وستري حتى لو هلي قالوا عادي ..بالبدايه والنهايه انا الي بتحاسب ..

أول شي طاعي الاجانب يوم اييوون هنيـــــــــــــــــــــــــــــــــــــــه شو يلبسوووووووووووون ؟!!!!!

يلسبوم شيله وعباه ولا مخور ولا يتحجبون

وفئه من العرب يوم يسيرون بلاد الاجانب طاعي شو يلسبون جنزات وبديات وطبعا العباه ما يشلونها وياهم

لأنها تخرب استايلهم ومثل ما يقولون عادي محد يشوفناا ومانعرف حد

محد يشوفهم ؟!!!!!! والله !!!!!!!!!!!!

ومثل ما قلتي :

يعني البنت فبلادتها تكون حشيمه وبرع تكون _ _ _ _ _ ..!!!

&

اصلا شو السبب الي يخليكم تخلونهم يلبسون عباه ؟!..

عشان الستر بــــــــــــــــس وهالستر ما يكون الا فالبلاد يعني برع حلال

يعني الوحده يوم بتسافر تعتبر نفسها فااااااااااااصخه الحياااا

منطــــــــــــق عجيـــــــــــــــــــــــــــــــب والاعجب لي نشوفه فهالزمن

تسلمين نونـــــــــــــــــي عالمواضيع العجيبه والله يهدي اليميع

مساكم ورد

لج جزيل الشكر على الموضوع

الموضوع الأول والأخير الأهل ..... المصيبه إذا الأهل مازرعو هالخصله في أبنائهم والتهاون فيه

الله يستر علينا وعليكم وجميع الأمة العربية

تقبلي مروري
الحكومة