ماجيت ابارك ولكن جيييت اوصيكـ

شوفو هذا الشاعر حضر العرس وحضر زواج حبيبته

طبعا هو يخاطب بهذي القصيدة زوج حبيبته شوفو شوقال :

أبد .. ما جيت ابارك ولكن جيـت اوصّيـك
على اللي ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك وحدّت محاكيك
قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتي

كذا شاءت بنا الأقدار تحرمني لجـل تعطيـك
كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شـوي حتـى تشتهـي طاريـك
وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحك ولا تسلّيـك
تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي

صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواها.. وربْـع تجربْتـي

أحس اني تماديت بكلامي.. والغضب حاديـك
ولو انّك في مكاني ما تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي

ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي

>>>>>>>>>>>>>>>>>>>>>>>>>>>>>>>>>>>>>>>>>>

طمّن فؤادك يا ...حبيبي ،أنا ما أقدر أنساك
وشلون بنسى شوف عيني ونظرهـــــــــا
حاولت أنسى وكل مامر ذكـــــــراك
أرتــــاح وأنسى دنيتي مع كدرهـــــــا
لازم يجي يوم وأرتاح وأنساك تدرى متى ؟
يوم المقابر تحتظني " بحفرهــــــــــــــــا "

منقوول

يـــــــآآآآي انـــآآ اول وحــده ارد علــى مـوضـــوعــج

صـــــــــــــــــح اللســــــــــــــآآنج جعــــــــــــــــــــلآآآنــي 44

بــرد علــيج و أقــولــــــج:

نفسي أقول إني حزيـن
إني سجيـن ~لكل ذكرى لك معي
وأبغى أقول إني أنــا
أشكي العنا وأقول للذكرى ارجعي
وأرجع أقول ليت الهوى
يجمع سـوى أهل القلوب اللي تعي
ونسيت أقول من الفراق
الصدرضـاق والعين هلت مدمعي

عيبتني القصيده والله

والله يعييينه اللي كاتبنها يحليله والله يغمض

ويسلمووووووووووووووو

هههههههههههههههههههههههههههه
لو انا من الرياااااال ع طووووووووول بطلقها

وآيد نايس ارقاتو حياتو ^^

يسلموه عالقصيده

حبيت كلامها والله

يعطيج العافيه حياتي

توصّى..وانتبه..واحرص عليهـا والله يهنّيـك
ترى كل الكلام اللي طلَع من ضيقـيَ وكبْتـي

Thanx 3aL g9eeda